إستعراض|كيف نكتب أهداف لسنة 2019📝

التدوينة التي سنستعرضها في”تحت المجهر” بعنوان:

‘ كيف نكتب أهداف لسنة 2019 ‘

للمدونة رشا @__RashaSaad

وننتظر تعليقاتكم وآرائكم وتقييمكم لها في التعليقات


يلا نكتب اهداف ٢٠١٩ 💪

ديسمبر 27, 2018

السلام عليكم
اخباركم ؟ ان شاء الله تكونون بخير
من زمان ما كتبت تدوينه بس احس حياتي دخلت في بعض 😂 و كنت ابغى اجازه بعد يوم ميلادي و السنه الجديده و اجمع طاقه للسنه الجديده وكنت ابغى اسوي كل شئ بمنع نفسي عنه السنه الجايه وهذا بكتبه في التدوينه الجايه إن شاء الله بس بما اني قررت اليوم اكتب اهدافي و حبيت افيدكم علشان تكتبون اهداف جديده وتحققونها ..

اولاً : عصف ذهني

الطريقه هذي تستخدم في كل المجالات والهدف منها تطلعين افكار الطريقه سهله واساسيه بكتب لكم الطريقه إلي استخدمها ..

ارسمي دائره في النص ويطلع منها خطوط كل خط يعبر عن هدف تبغين تسوينه هاسنه مثلا انا كتبت في نص الدائره ٢٠١٩ و طلعت منها ٣ خطوط كل خط يمثل هدف اساسي او طريقتي في تقسيم حياتي في السنه الجديده
١- المدونه
٢- الشغل
٣- حياتي او باقي يومي
بعدها طلعت من كل من نقطه خطوط مثلا المدونه قسمتها لـقسمين
١- التواصل الاجتماعي
٢- موقع المدونه
بعدما قسمتها بديت افصل كل قسم مثلا التواصل الاجتماعي احدد البرامج إلي بستخدمها مثلا انستقرام وتويتر
ثم ابدأ بتفصيل الانستقرام وش انزل فيه ؟ اي وقت ؟ وش اكتب وهكذا اتمنى الفكره وضحت
احيانا تكون الافكار غير واقعيه بس مو مشكله طلعي كل الافكار الموجوده في عقلك وخليها قدامك على الورقه وبعدها حطيها في نقاط بسيطه يعني مثلا تقولين بسوين شركه كبيره لها سمعه مثلا زارا خلال سنه مثلا هو مو شئ مستحيل بس يحتاج وقت والوقت ممكن يكون اكثر من سنه فلو وصلتي نهايه السنه وما حققتي إلي تبغين بتحسين بإحباط و يمكن توقفين ويضع تعبك وحتى لو ما وقفتي بيجيك إحباط اتمنى الفكره وصلت

ثانياً : لوحة الالهام :

في وحده من الندوات للدكتور ابراهيم الفقي – رحمه الله – سمعت كلام بقول لكم المفهوم ان عقلك الباطن يصدق كل شئ تقولينه له عكس الواعي الصراحه ذكرني الكلام هذا بمثل ( يكذب الكذبه ويصدقها ) لو وقفتي قدام المرايه ولتي لنفسك كل يوم انا غنيه عقلك الواعي عارف انك كذابه بس الباطن بيبدأ يجهز لك استراتجيات كيف تصرين غنيه ويصدق
و على أساس هذا المنطق نبدأ بلوحه الالهام .
لوحه الالهام لها نوعين :
١- تكون فيها كتابات كثيره
٢- صور
اكثر من شخص تكلم عن فعالية الصور لانها تلقائيا بتروح لعقلك الباطن حتى لو ما كان لك خلق تقرين الصور تفسر نفسها كثر من الكلام من ضمن الاضافات إلي اضافتها يوتيوبر- هنا الرابط بتعطيكم نصائح اكثر عن Vision Board – لازم تضيفون مشاعر معها تعبر عن الصوره مثلا لو تبغين تأكلين اكل صحي اكتبي ليش مثلاً علشان احصل على جسم حلو و ابعد نفسي عن الامراض وهذا ذكرني بكلام ابراهيم الفق

ي – رحمه الله – ان المشاعره مهمه يعني مثلا لو اقول انا فاشله عقلك بيقول عديها مع مشاعر ثم تقولين انا فاشله بتثبت اكثر كفكره ومشاعر وهذا دايم يصير لنا ريحه عطر يذكرنا احيانا بموقف لانه تم تخزين المشار والموقف كذا طبعا انصحكم تشوفون مقاطعه لانها جدا مفيده

ثالثاً واخيراً : نصائح

نتيجه تجربتي السنه إلي فاتت حبيت اقدم لكم نصائح
١- بعد دورتي مع أ\ رنا الاحمدي قالت انه اي شئ تكتبينه على الورقه يتحق وفعلاً فيه اشياء تحققت صح مو كلها بس اهم شئ وإلي افكر في طول الوقت متحمسه اقوله لكم بس بكتبه إن شاء الله في التدوينه الجايه
٢- اهدافك الكبيره قسميها لاهداف صغيره ووزعيها على الاسبوع يعني مثلا لو بتسوين الشركه الاسبوع هذا بتجهزين خطتك والاسبوع إلي بعده تتواصلين مع شركائك وهكذا اتمنى انها وضحت الفكره

تقريباً هذي كل النصائح إلي بقدمها لكم اتمنى انكم تستفيدون
شكرا لزيارتكم💛

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s