إستعراض|هل استفدت من الاستحمام بموية باردة كل يوم ؟ 🚿🛁

التدوينة التي سنستعرضها في”تحت المجهر” بعنوان:
‘ هل استفدت من الاستحمام بموية باردة كل يوم ؟ ‘

للمدونة هبه @creativREN

وننتظر تعليقاتكم وآرائكم وتقييمكم لها في التعليقات.


السلام عليكم ورحمة الله وبركاتة

توضيح قبل لا أبدا الكلام عن هالتجربة .. سويت هالتجربة مع تجربة الصحيان الساعه سته كل يوم .. سويت كولو سوا دام الموضوع تحدي ههههه اخلصوا مع بعض

فكرة التحدي جات من وين ؟

اولا اعرف وحده قريبه مني تتروش بموية بارده واللهم بارك بشرتها مشدوده مع أنها مو نحيفه .. ثانيا شفت كم فيديو أجنبي عن أشخاص يجربوا هالشي .. فتحمست اجربوا مو بس اخذ رشه قبل لا أخلص الترويش ههههه العكس ترويش كامل بمويه بارده

كيف الاسبوع كان ؟؟ وكيف سويتيه ؟

زي ماذكرت بالبدايه اني جربتو مع فتره تجربتي تحدي النوم .. فكنت استحم الصبح بالبداية شلت هم لان صبح وبرد ومويه بارده كمان مصيييبه ههههه

الي صرت أسويه اول مااشغل المويه اخلي حرارتها معتدله مو دافيه شوي مايله للبروده بس دافيه – فهمتوا ؟؟ ههههههه شرحي مره واو صراحه بس أكيد فهمتوا ههههه … المهم بعدها على طول اخليها بارده وابدا اتروش عادي

وهكذا كان الوضع خلال الاسبوع كامل .

النتيجة ؟ هل في فرق مابين الموية البارده والحاره ؟؟

الشي الي انصدمت منو … اني بعد الترويش ماأحس ببروده … توقعت ان بعد ما اطلع من الحمام بكون ثلج لان الجو بارد وانا بارده وكذا … بس العكس تماما

طبعا اكييييييد النشاط والصحصحه لاحظتها … ويكون باقي اليوم في نشاط وحبيت هالشي مره

وبما اني أسوي رياضه .. طبعا اوقات كثيره يكون في شد عضلي .. هالاسبوع احس بالشد ولكن مايكون وجع او شد مره قوي زي اول … وقريت ان المويه البارده كويسه للي يسون رياضه للشد العضلي .. فحسيت بصحة هالكلام ومره انبسطت بهالفائده لان اول كنت اتعب من الشد العضلي ويطول لايام .. هالاسبوع كان اخف ويروح اسرع

من ناحية البشرة .. شوي حسيت بنظاره والبشره أصفى .. ولكن مو بشكل كبير ولكن في أثر أكيد

بتكملي وتخلي الموضوع عادة ؟ ولا بتوقفي ؟؟

الى الان مستمرة عليه ومبسوطة … فاتوقع بنسبة كبيرة بستمر ولكن نشوف لما يبرد الجو اكثر كيف الوضع بيصير

بالنهاية

أتمنى أستفدتوا وتحمستوا تجربوا هالتحدي … وأكيد شاركوه مع غيركم

عيشوا بحب وايجابية

إستعراض|نظرية القوس قزح🌈

التدوينة التي سنستعرضها في”تحت المجهر” بعنوان: ‘ نظرية القوس قزح ‘

للمدونة مي الطيب maytaib@

وننتظر تعليقاتكم وآرائكم وتقييمكم لها في التعليقات.


نظرية القوس قزح

بعد هطول المطر، انتعشت الأرض واخضرت بالعشب. وازدادت مياه النهر نقاء وصفاء، أشرقت الشمس بأشعتها الذهبية بعد انقشاع السحب من السماء، وتكون قوس قزح كبير جدا ، وانعكس بطيفه وجماله صورة خلابة على النهر.
وقد تجمعت فيه الألوان المبهجة:
فالأزرق لون الصفاء، والنقاء، ولون الأفق والسماء، ويكسب النفس هدوءا.
والأخضر لون العشب، ولون الطبيعة، يزهو على الأرض ويكسبها حياة ولجميع الكائنات.
والأصفر لون السعادة والمرح والفرح.
والبرتقالي لون الطاقة، والمشاعر الإيجابية، ولون جميع الفواكه الغنية بالفيتامينات.
والبنفسجي لون الملوك، والفخامة، والسلطة، والحكمة.
والنيلي لون السكون والعمق، وتوازن الأرض
والأحمر لون الحب والرومانسية.
والأبيض لون النقاء
وهذه الألوان تعكس ببهائها نظرية القوس قزح بأطيافها البراقة، وكأنها تمثل الأشخاص في حياتنا وأهميتهم، وكل إنسان له ميزة فلنتذكر دورهم بشجاعة، بحب، بلطف، بتسامح، بتعاطف، ولننسى جميع السلبيات والمواقف المؤلمة.

إستعراض|مشترياتي من موقع أيهرب 💳💸📲

التدوينة التي سنستعرضها في “تحت المجهر بعنوان “ مشترياتي من موقع آيهرب ”

للمدونة ديما deema_glam@

وننتظر تعليقاتكم وآرائكم وتقييمكم لها في التعليقات.


مشترياتي من موقع آيهرب 👏🏻💸 | I HERB HAUL

مرحبا بنات السلام عليكم ورحمة الله وبركاته 💕
اليوم بشاركم مشترياتي من ايهرب وبقولكم عن كل منتج و فائدته واكيد اللي بيعجبني برجع بكتب عنه تجربتي بالتفصيل مع العلم بعض المنتجات اشتريهم من قبل و يعتبر هذا ثاني استخدام لي 😍👏🏻 الاني حبيتهم و نتيجتهم جميله ، كاتبه عنهم ريڤيو مفصل بالانستقرام عشان م يفوتكم شي تابعوني بحسابتي السوشيل ميديا

زيت جوز الهند العضوي
آفضل زيت عضوي 💯 آستخداماته كثيره للطبخ و الشعر و الجسم و الوجه في إزالة المكياج فضيع ، سابقاً كنت استخدم ٤٠٠ جرام اللحين لقيت بالموقع ٨٩٦ جرام و اخذته وانا مغمضه 👌🏻اخر مرا كنت بطلبه لكن لقيته مخلص احب استخدمه شخصياً للجسم بعد الشور وقت النوم خصيصاً جداً نفع معي بالترطيب و إزاله علامت تمدد البشره وهالمره بستخدمه لشعري الانه الافضل للشعر المصبوغ و الجاف
زيت اللوز العضوي
مؤخراً صايره احب زيت اللوز الانه فوايده كثيره في الترطيب العميق و يعزز صحه الجلد ويغذي البشره وينفع للهالات السوداء و يكثف الرموش و الحواجب جربت زيت اللوز من العطار قوامه ثقيل ومزعج وقت النوم ومجربه هذا من قبل قوامه اخف واحب اخلطه مع انواع ثانيه

زيت الارجان النقي و العضوي
اول تجربه لي المنتج نقي و طبيعي ١٠٠٪ مثل ماهو مذكور بصندوق الوصف بالموقع
من استخدامته للشعر / المبلل بعد الشور يعطي لمعه و نعومه و للبشره / على بشره جافه تمتصه البشره بسرعه ولا يسد المسام ينفع لجميع انواع البشره
مكوناته فيتامين هـ والاحماض الامينيه ( لم يتم اختباره على الحيوانات )
سيروم للشعر الكيرلي و المصبوغ
هذا البراند جربت منه بخاخ يعطي لمعه للشعر و واكس بالارقان و الزيت المغربي منتجاتهم ممتازه وتستحق التجربه من مميزات السيروم آمن على الشعر المصبوغ يرطب و ينعم و يتحكم بالشعر المتطاير و المجعد
واقي الشمس من جاسون
واقي شمس 45Spf قوامه غير دهني وينفع للبشره الدهنيه ولا يعطي لون ابيض مقاوم للماء
ماسك الذهب للعين
منتج كوري ثاني مرا اطلبه مرا مفيد لترطيب العين قبل الميك اب او بعد تنظيف البشره 😍 يعطي بروده منعشه و ينور المنطقه اللي تحت العين و مكوناته طبيعيه وصالحه للآستخدام لمده شهرين فقط من مكوناته / ذهب عيار ٢٤ ، كولاجين ، ماء الورد ، 5000 جزء من الجينسينغ ، عش الطائر
غسول الوجه و كريم الترطيب من ديرما – اي
غسول بخلاصة فيتامين C & B3 لتنقيه و تفتيح الوجه المنتج عضوي وخالً من الغلوتين و فول الصويا مستخلص من عرق السوس و الزنبق الابيض لآستعاده تفتيح لون البشره و تقليل ظهور البقع الداكنه و الفيتامينات تساعد على مكافحه جفاف الجلد و ازاله اللون الباهت و الحصول على الاشراقه الصحيه
كريم مطهر من شجرة الشاي اي
علاجي و عضوي ١٠٠٪ خال من الغلوتين و و فول الصويا مستخلص من الاعشاب و زيوت طبيعيه يرطب بعمق و يطهر البشره
كريم العين من كيرفي
طوره آطباء مختصين بالامراض الجلديه و طبي يساعد على معالجة الهالات الغامقه و انتفاخ العين يساعد على اصلاح و استعادة غلاف البشرة الحساسه حول العين المكونات المستخلصه منه
سيراميدات حمض الهيالورونيك ، تركيبة مارين النباتيه ،النياسيتاميد ، المحدد MVE حاصل على براءة اختراع مع تقنية إطلاق
قناع السكر الاسود القابل للغسل
منتج كوري يقشر البشره خاص للوجه مستخلص مكونات غذائيه مثل النباتات الطازجه و الفاكهه يحتوي على السكر الاسود البرازيلي ويعزز سلاسه ولمعان البشرة .
غسول الجسم من دكتور وودز
من فتره كنت ابحث عن غسول جسم عضوي و بكمية كبيرة ٩٤٦ مل في منه بالموقع روائح كثير مثل اللاڤندر و شجرة الشاي و النعناع …
انا اخترت اللوز المنتج عضوي غير مختبرعلى الحيوانات بزبده الشيا بخلاصه صابون قشتاله و الصابون الاسود
جل و فرشاة حواجب من إيلف
ثاني تجربه لفرش ايلف جدا عمليه و ميزتهاا شعرهاا ناعم عالبشره و لا يطيح مع كثرة الاستخدام فرشاه الحواجب اتجاهين جهة للرسم والثانيه لتمشيط الحاجب
بمسبه للجل اسم الدرجه إسبرسو او تجربه لي يستخدم للحاجب و كحل للعين .
كريم لعلاج البقع الداكنه من ادڤانسيد كلينك
كريم بخلاصه زيت الجوجبا و فيتامين سي يرطب ويعالج البقع الداكنه
مرطب شفايف من أو كيفيس
يرطب و يعالج التشقق بالشفاه و يقي من الشمس نسبه الحمايه 35SPF
تونر البندق من ديكينسون
تونر معزز با البندق خال من الكحول يرطب البشره و ينقي المسام غني بالآلوفيرا و فيتامين هـ يزيل الشوائب بلطف دون تجفيف يستخدم يوميا بعد التنظيف وقبل المكياج حجمه كبير واقتصادي 473ml
هذا ملخص للمنتجات اللي طلبتها من ايهرب مع تفاصيل عن المنتج و لو كانت النتائج سلبيه او ايجابيه بكتب لكم عنهم تدوينه كامله وبتفاصيل اكثر
لو اعجبتكم المدونه شاركوها مع صاحباتكم و اشتركوا في مدونتي عشان يوصلكم كل جديد وعلقوا لو عندكم اي ملاحظة
💡للتذكير مرا ثانيه بحط لكم حساباتي بالسوشيل ميديا
احب اقرا ملاحظتكم علآيميل 📧Deema.work@Gmail.com
دمتم بحّب 😘

إستعراض|كيف هو شعور أن تكون أم لبعض الوقت ؟ تجربة ضربت بخططي عرض الحائط . 👪⏳🍼

التدوينة التي سنستعرضها في “تحت المجهر بعنوان “كيف هو شعور أن تكون أم لبعض الوقت ؟ تجربة ضربت بخططي عرض الحائط”

للمدونة لافا ‎@Lafa0

وننتظر تعليقاتكم وآرائكم وتقييمكم لها في التعليقات.


لما ذكرت اختي انها راح تترك عندنا اطفالها كم يوم ماكان عندي مشكلة💁🏻.. وبعقلي اتذكر المرات اللي قضوها عندي وان الموضوع بسيط جدا💁🏻 .. لكن بعد هذي التجربة اضحك على افكاري بوقتها .. لان الواقع غير افكاري تماما😅.
هذي التجربة كسرت كل انواع الروتين والقواعد اللي عندي رغم ان عيال اختي مجرد طفلين🤦🏻‍♀️؛ الكبير عمره ثلاث سنوات والصغير سنة ونص، وكان معاهم المربية.
اول تحدي بالنسبة لي كان اني اخليهم يدخلون السرير بدري عشان يمدي نقرا قصة ونسولف شوي وبعدها ينامون. مثل هذا النظام صعب جدا على شخص مثلي يعاني من الارق بالاضافة لاوقات دوامي المتغيرة كل يوم. غير أن روتيني مافيه مكان لاي تشتيت او اشياء فجأة تصير الا من اندر النوادر. و جدولي ازحم من المزحوم مابين العمل والمتجر، لكن قررت انه مو مستحيل😇. بس هيهات .. التخطيط والواقع ماكان بينهم اي تشابهه للاسف😖.
الخطة كانت انومهم بدري وارجع مكتبي اخلص كذا شغله خلال ساعة وانام👌🏻. في الواقع بعد ما ينامون كنت ادخل سيده سريري لان ماعندي اي طاقة افكر فما بالكم اسوي اي شغل😵.
كمان حصل مشكلة بيوم كنت مداومه من الفجر وانا مانمت الا كم ساعة فرجعت ميته ابي انام العصر شوي، فحطيتهم عند المربية ودخلت انام.. بعد كم ساعة ماقدرت انام فطلعت من الغرفة وانصدم بالمشهد الكارثة😱😨😰!! المربية خلتهم ينامون العصر.. وهالشي يعني راح يسهرون بالليل.. وانا مانمت من امس الا كم ساعة !!
طبعا يومها صدق دخلنا ننام بنفس الوقت بس طبعا نمت انا قبلهم .. وصحيت بعد كم ساعة ولقيت الكل نايمين😅 فرحت سريري اكمل نومتي.
اذا هذي كانت نتيجة اول خطة فما بالكم بالامور الثانية🙆🏻.. طبيعي كلها كانت بنفس النظام.
التحدي الثاني كان الوجبات.. الصغير بسم الله عليه ماسبب اي مشكلة، لكن الكبير مشكلة متحركة بخصوص الاكل والنوم. طبيعي كشخص بالغوجباتي مجرد غداء وعشا بالبيت ويتخللها كم كوب شاي، والمفروض ولد اختي كطفل تكون وجباته اكثر مني. لكن الأخ قرر ما ياكل الا اذا اكلت معاه🤔، او لازم اجمع كل الافراد بالبيت ياكلون معاه او يضيع الوقت أبرر له ليه محد نزل ياكل معانا.
كمان كمشكلة للاكل كان يستسهل عليه يشرب حليب او عصير وتنسد نفسه على انه يجلس وياكل وجبه! عشان كذا كان لابد من معركة صغيرة عند كل وجبه، لان لو تركته لين يجوع راح يخرب موده ويصير يبكيعلى كل شي.
الصدمات هذي صارت بأول يومين .. عشان كذا قررت باقي الايام ماله داعي اسوي اي شي او حتى اخطط لاي شي .. ومشيت باقي الايام على روتين يعتبر اطلق روتين اذا عندك اطفال وانت ام عاملة:
  • صرت اذا ناموا انام على طول معاهم .. لا اشوف انمي ولا اقرا مانجا ولا حتى اجلس اهوجس.. ادخل السرير واغمض.
  • وقت الوجبة احاول مااشبع عشان الاخ كل ما جى ياكل اقدر اكل معاه ويتحمس.
  • اي مهمة خاصه بالعمل اخلصها بالدوام، ووقت ماارجع البيت ما اتواصل مع اي احد لا ايميلات ولا واتس اب.. لان يومي كله فعاليات مع الصغار. (هذي اهم نقطة لانها ريحتني كثييييير)
  • اسوي لهم روتين يومي يمشون عليه .. كنا العصر او المغرب ننزل الحوش نلعب بالسياكل تقريبا ساعة. الساعة تسع بالكثير كلهم لابسين بجاماتهم وبالغرفة. وقت النوم نطفي الانوار والتلفزيون وبس نترك الاباجورة .. نقرا قصه مرة او اثنين وبعدها عاد نقرر اما نغمض نريح عيوننا او نتفرج صور كيك في الانستقرام.. لا احد يسألني وش سالفة الكيك بس اكتشفت ولد اختي يحب يتفرج طبخ ورياضة😂.
  • لا للسكر 🙅🏻من العصر .. وقت ماكنت ادّرس ابتدائي كنت اعاني من الصغار بعد الفسحة، بس اذا الاطفال معك بالبيت الكارثة اكبر.. يحسسونك انك عجوز بالخمسين.

بعد ما سويت هالنظام باقي الايام كانت مريحه بشكل غريب💓 .. صدق ما قدرت ارجع لنظامي العادي وكان في تأخير ببعض الانجازات في المتجر والعمل، بس بالمقابل كنت على الاقل انام كويس ومو مرهقه طول اليوم. بدا يصير الاطفال جزء من يومي💓 وبدال مااشرب قهوتي على صوت العصافير واغاني يابانية في الخلفية؛ صار اغاني مثل Wheels on the Bus في الخلفية وصوت واحد من عيال اختي يسولف💓. صار اصلا طبيعي واحنا نتمشى بالبيت نغني اغاني الأطفال باعلى صوت😅. صار طبيعي مااقدر اتحرك بين الغرف بسرعه واترك الابواب وراي مفتوحة لان فيه طفلين يلحقوني واحد منهم مدمن على اللعب بالموية وتوه متعلم يطلع الدرج💓 والثاني يقعد يسأل وين بروح ووش بسوي وليه بروح💓.
الغريب هو التغيرات اللي صارت لي حتى في تفكيري. في يوم كنت حاضرة لقاء للتجار مسائي وجت الساعة ٩ وانا باقي بالطريق وكل اللي كنت افكر فيه ان يارب المربية دخلتهم الغرفة يستعدون ينامون😅.
وباليوم اللي رجعوا فيه بيتهم حسيت بفراغ غريب .. مو مصدقة انه عادي انام وقت ماابي ومااشيل هم السهر😅 ..
تجربة غريبه بس ممتعه💜 واظن عادي اكررها💜💓💜..
سويت هاشتاق في تويتر باسم #partTimeMom حطيت فيه بعضيومياتي معاهم سواء تحلطم او مواقف مضحكة. شاركوني مواقفكم سواء في الهاشتاق او في التعليقات💜

إستعراض|مشترياتي من أمازون 📲🔖

التدوينة التي سنستعرضها في”تحت المجهر” بعنوان: ‘ مشترياتي من أمازون ‘

للمدونة onlydalya@

وننتظر تعليقاتكم وآرائكم وتقييمكم لها في التعليقات.


My Amazon Purchases| مشترياتي من أمازون

مرحبا يا حلوين !!

شخباركم.. إن شاء الله طيبين وبسعادة دائمة يا رب

موضوع اليوم جميل وخفيف وأتوقع أن الكل أصبح يحبه ويعشقه ..

وقبل لا نبدأ خلينا نجهز قهوتنا عشان نستمتع بالقراءة

في السنوات الأخيرة أصبح الناس أكثر جرأة بالنسبة للتسوق الإلكتروني خصوصًا أن الأسعار خرافية مقارنة بالسوق المحلي عندنا، عن نفسي أقدر أقول وبكل ثقة أني من الأشخاص المدمنين بالنسبة للتسوق الإلكتروني .. ومن سينين طويلة قبل ما تنتشر هذه الظاهرة..

كيفني بس وأنا أتفلسف .. 😉

بصراحة أكثر جزئية أحبها لم توصلني شحنتي وافتحها مثل الطفل اللي يفتح هديته ويلقى اللعبة اللي كان يحلم فيها .. أي هذا أدق وصف لحالتي .. يعني استحالة اتشافى من هذه العلة 🙃

محمد زوجي يأس وأعلن استسلامه عن محاولة اقناعي للعدول عن هذه العادة المدمرة للجيب ولكنها جدًا جميلة للنفسية ..😅

يعني بدل ما أروح جلسة علاج عند دكتور نفسيه بسبب اكتئابي أو أني اروح صالون اصرف الميات وأحيان الالاف عشان بس أشعر بشوية صنفرة اقدر أسويها في البيت .. خلني أصرفها على مشتريات دائمة عندي وتسعدني ..🤣😉

وأنا أكتب هالتدوينة شريت لي كم غرض من أمازون ..

المشكلة أن توي شارية منهم وموضوع هذه التدوينه مشترياتي من أمازون ..

شكلي بخليه سيريز موضوع متجدد ..

المهم نجي للزبدة والمهم .. لي فترة قاعدة اتقضى عشان اجهز مكتبي والكوفي كورنر الخاص فيني وناوية انقلهم لغرفة ثانية .. ومن الأشياء المهمة والجميلة في الكوفي كورنور هي الكتب اللي تحطيها في طاولة القهوة غالبًا ما يكون شكلها جميل وتتحدث عن الفن والديكور والجمال بصفة عامة .. كل شخص يحط الأشياء اللي تستهويه..

عن نفسي هالفترة طايحة بالفاشن وكذا براندز حابتهم حيل وكذا مدري كيف كذا حبيت ادخل بتفاصيل تاريخهم وكيف بدأوا وكيف أصبحوا ومن هالسوالف .. ونكون صريحين شكل اصدارات كتبهم تعطي شكل للمكان وفخامة وهم يعتبروا اساس الفاشن .. وبعدها قلت بحط أشياء عامة بخصوص البيوتي من ميك أب وعناية بالبشرة..

لذلك قررت أني أغير الكتب اللي كنت حاطتهم بطاولة القهوة وأخليهم فاشن وكذا ..ما ننكر أن شكل كتب الفاشن كثير جذاب وجميل، لذلك بدأت رحلة البحث عن الكتب في بعض المكتبات اللي بجدة والحق مو من قلب بحثت بس كنت اتصفح بعيوني اذا في كتب شكلها جيد مثل كتب دار شانيل وديور وهالبراندز .. المهم ما لقيت اللي نفسي فيه ..

المفروض أروح فيرجن وبصراحة ما مداني لكن اللي كنت متخوفة منه أن ممكن بعد ما اشتري الكتاب ألقاهم مشخطين على بعض الصور أو انهم مغطيين أو حاذفين فملعيش بكون دافعة مبلغ وقدرة على الكتاب أقل شي تكون الصور كاملة وكذا فقررت أني أشتريها من أمازون.

لذلك مالي غير حبيب القلب موقع أمازون خصوصا أني طالبة مجموعة أكياس خاصة للبزنس توصل على بريدي الأمريكي قلت يالله خليني اقضي كم كتاب من أمازون ويوصلو كلهم سوا .. خصوصا أن اسعار الكتب مثل اللي أبيها تجيك غالية عندنا وممكن يكونوا مشخطين على بعض الصور مافيني أشوف صور جميلة مشوهه .. لذلك شمرت عن ساعداي وبديت مرحلة البحث عن الكتب اللي ببالي في أمازون..

أول كتاب جا ببالي اشتريه هو حق شانيل بعد فحص وتمحيص أخيرًا لقيت الكتاب اللي ابيه وقعدت اشوف آراء المشتريين السابقين وتصويرهم للكتاب وآرائهم اذا يسوى ولا لاء ..

ليه كتاب شانيل؟!

أحب ستايل ملابسهم تبهرني كلاسك و أنيقة وبسيطة بنفس الوقت٫ لذلك قررت اشوف الكتب التابعة لهذه الدار الراقية والجميلة .. أكثر شي كنت خايفة منه جودة الصور والورق تكون رديئة لذلك كنت كل ما اختار كتاب اشوف الفيدباك عنه وتصوير الزباين له لين ما وقع على عيني هذا الكتاب الجميل والكبير والمثير في نفس الوقت .. وحطيته بسلة المشتريات ..

الحمدلله وصل وكان مثل ما تمنيت وأكثر بعد .. الصور جودتها جدا رائعة وكله صور وقليل فيه الكلام بحيث يوم اشرب قهوتي اقعد اتفصح فيه واتفرج .. وبصراحة شكله تحفة فنية .. وفيه صور من بدايات دار شانيل إلى سنة ٢٠١٥ خاص بعروض الـ Cat walk ..

رابط كتاب شانيل

الكتاب جاني مغلف تغليف شفاف عشان يحميه من عوامل التعرية اللي ممكن يمر فيها .. وبجد وصلني مافيه أي مشاكل والغلاف هو عبارة عن قماش يعني ممكن يمسك فيه أي شي لذلك كثير مبسوطة لانهم مغلفينه ..وجودة الورق جدا جميلة وتعتبر هاي كوالتي ..

الحين خلصنا من الكتاب مع أنه ببالي أخذ كتاب ثاني وهو حق دار ديور بس قلت خلني اجرب كتاب واحد وأتاكد من جودته وبعدها اكمل مشترياتي للكتب ..

لذلك شريت بس كتاب واحد .. لين أتأكد من جودة الكتاب الثاني وابحث بقلب عشان لا اتخم .. ما فيني اتنصب أو يطلع الكتاب بجودة سيئة بقعد أندب على حظي كثير..

نجي للشي الثاني اللي تعبت ادور فيه المكتبات وهو قلم تعبئة حق كارتيه شريت قلم من سنين من باريس جاليري والحين خلص الحبر ومهما اشتري من قلم تعبئة ما يطلع مناسب للقلم قلت مالي غير أني اشتريه من نفس الماركة .. فقررت ادور في المكتاب بس مافي .. لذلك توجهت لأمازون حبيب قلبي وسويت سيرش ولقيت عندهم نفس قلم التعبئة اللي كان موجود بقلمي من الفرحة خذيت لي اثنين عشان يكفوني فترة طويلة .

رابط أقلام التعبئة لكارتيه

المهم ما تتصوروا شكثر فرحتي يوم لقيت اكثر اثنين تعبت وأنا ادورهم .. ومن زود فرحتي شريت اثنين من اقلام التعبئة بس الصدمة أنه ما طلع نفس مقاس القلم ..

لو تشوفوا شلون مركبة قلم التعبئة كارتيه بتسحبه مني، المهم أني اكتب فيه و مرررة أحب اكتب فيه بالأجندة وهم بعد جدا متناسق مع أجندتي الجميلة ..

طبعًا حطيت حلطمتي بالانستغرام وجاتني ردود جميلة فادتني أن الأفضل أروح لكارتيه وهم أكيد يوفرون اقلام التعبئة الخاصة بأقلامهم المشكلة مدري ليه ما جاني هالخيار🤣🧐🤨 أو حتى أني اروح لباريس جاليري ليه كنت اروح للمكتبات الله أعلم ..

المهم وبما أن طلبيتي الثانية وصلت و أنا لسه ما بعد نزلت البوست الأول رح أضيفهم كلهم هنا لأن بصراحة

كل مشترياتي مو كثير هذه المرة ..

مجموع مشترياتي كلها كتابين فاشن وقلمين كارتيه والجغ الخاص بالحليب حق ألة القهوة ..

بالنسبة لأغراض الشغل فمارح اعرضها لأنها تخص الشغل .. ومو مهمة بنظري إلا إذا سويت موضوع خاص بالنسبة للشغل الخاص شلون توفرون أشياء أساسية بأسعار معقولة وبجودة عالية ..

فإذا مهتمين لهالنوع من البوستات اكتبوا في الكومنت عشان اجهز بوست منفرد خاص بالأعمال الخاصة من تكاليف ومواقع مساعدة ممكن ترفع من مستوى البراند الخاص فيك..

المهم نرجع ثاني لمحور حديثنا ..

بعد ما فتحت القلم .. شايفين شلون ملصقة قلم التعبئة عشان يمسك نفسه 😅😂

لحظة الحقيقة ..

قلم التعبئة طلع قصير وما ينفع .. 🙃🤨😕

المهم لملمت اغراضي مرة ثانية وقررت احدد يوم ثاني واروح كارتيه واقولهم ابي قلم تعبئة لهذا القلم وافتك ..

** ** **

المهم الحين نجي للطلبية الثانية اللي وصلت ..

وهالمرة تحتوي على كتاب لدار ديور وجغ شريته حق آلة القهوة

وبصراحة كنت متحمسة كثير على كتاب ديور توقعاتي وصلت السما من بعد كتاب شانيل ..

وبدون صبر فتحت البوكسات حتى أوصل لكتاب ديور

رابط كتاب ديور

مثل ما أنتوا شايفين غلاف الكتاب من القماش وللأسف ما جاني مثل شانيل مغلف بنايلون جاني كذا مفتوح أشوى أني ما طلبت معه شي ممكن يخرب القماش ..

ومو بس كذا لقيت أن فيه آثار تراب وشوية أوساخ على القماش بس مو مرة كثير يعني الحمدلله أنها جات على كذا ..

لو أتكلم عن شكل الغلاف لين بكرة ما رح اخلص .. شايفين شكثر رائع واللمعة خرافية جدا

اللون الرمادي خطير .. أبدا مو ندمانه أني شريته أبدًا أبدًا ..

الحمدلله جودة الكتاب جدًا جدًا عالية والصور واضحة وجودة الورق عالية ..

وهالشي مهم بالنسبة لي ..

مليان صور وفيه هم بعد تاريخ دار ديور .. حبيته كثير ..

المهم ارتحت نفسيا الحمدلله أن الكتابين مبسوطة فيهم وأبدا مو ندمانة أني شريتهم

وقاعدة أخطط لكتب ثانية بس بخليها شوي قدام ..

هنا بحط لكم صور الكتابين مع بعض ..

** ** **

نيجي لآخر شي شريته من أمازون وهو الجغ حق الحليب لآلة القهوة ..

بصراحة ما كنت ناوية اشتريه من أمازون بس يوم قعدت ادور في النت من المواقع اللي توصل دايركت للسعودية أو متاجر سعودية توصل

لقيت ماشاءالله على الأسعار جدا مبالغ فيها وهالشي يقهرني ..

وهذه أحد الأسباب اللي تخليني اشتري من أمازون أو حتى مواقع اجنبيه وقلت طالما أني طالبة من أمازون خلاص خليني اطلب الجغ بجودة ممتازة وسعر حلو ..

فريت موقع أمازون لين طحت بهذا الجميل

سعره جميل وجودة جدًا عالية والحجم اللي أبيه لأني ما أحب اكثر حليب كثير فحبيت حجمه الصغير ..

رابط الجغ

اسم هذا الجغ : Star Coffee 12, 20 or 32oz Stainless Steel Milk Frothing Pitcher

والأجمل أن فيه قياس بداخل المق وجودة جدًا عالية وفعلا يستحق التقييم اللي معطينه هو أمازون ..

وبكذا وصلنا لختام البوست ..

أشوفكم قريبًا ..

ويسعدني تعليقكم .. هل تحبوا بوستات المشتريات وايش اكثر المواقع اللي تحبوا تشتروا منها ؟!

استعراض| كيف يتمكن شخص فوضوي من إدارة منزله ؟ 💭💒

التدوينة التي سنستعرضها في “تحت المجهر”بعنوان “كيف يتمكن شخص فوضوي من إدارة منزله” للمدونة نوره@inurae
وننتظر تعليقاتكم وآرائكم وتقييمكم لها في التعليقات.


السلام عليكم
صعب علي الإعتراف لكن انا انسانة فوضوية جداً فوضوية ! لكن أحاول اصير منظمة
قبل ما أعرف شخصيتي كنت أقارن نفسي بناس منظمة جداً واردد في داخلي كيف فيه ناس منظمة ودائماً ترتب وتشتغل وانا العكس؟ استوعبت وقتها أن شخصيتي فوضوية وبدأت أحاول أفعل أشياء كشخص فوضوي يطبقها ويلتزم فيها كل يوم هذا يعتبر إنجاز!
تغيرت طريقة عيشي في بيتي وتسهلت أمور حياتي بعد الترتيب فعلاً. بدأت ألقى وقت أطبخ وجبات ألقى وقت أروق في البيت أعطرة اجلس كذا أعيش وقت الفراغ بدون ما افكر بكومة مواعين جالسة على قلبي او ترتيب مارتبتة في الغرفة او في دولاب الملابس ، لا كل شي نظيف ومرتب وابداً مو كل وقتي يروح في الترتيب وشغل البيت وقتي أكثرة لي أنا والباقي من وقتي يروح بشكل خفيف للبيت وللعناية فيه وتنظيفه.
اكتشفت أن الناس المنظمة ما تقضي وقتها كله تنظيف وترتيب زي ماكنت متوقعة! ممكن هم مثلي الآن ناس فوضوية بس حبت ترتب وقتها وطريقة عيشها بعادات وأفعال يومية تسهل عليهم وتختصر عليهم وقت يقضونه في التنظيف بعد أوقات من التسويف وجلد الذات على هذا التسويف…
-قبل ما أبدأ- فادني جداً قراءة كتاب سحر الترتيب وترتيب بيتي والتخلص من الأغراض الزائدة فيه على اساسة ،
لما تسوون جرد للبيت بتطلع لكم كمية اغراض مهووله كلها ما تحتاجونها و بعضها حتى تالفة ومضيقة عليكم المكان *لقيت غلاية موية خربانة فعلياً ومخليتها عندي ما أعرف ليه 😂 أتوقع على أساس اذا خربت غلايتي يمكن اشبكها وتزيين يعني 😂*
بعد ماتسوون تصفية للبيت راح يترتب المكان وتقل الأغراض وبتحسون بالخفة 🙊💕 البيت بيكون دائماً مرتب حتى لو كنتو فوضويين وما يبقى عليكم الا الترتيب اليومي فقط 💪 هنا و هنا مقطعين من رنا الغامدي استفدت منهم تتكلم عن سحر الترتيب 💖
طيب نجي للأشياء الي حرصت ألتزم عليها في تنظيف البيت يومياً :
١. حرصت ارتب مفرش السرير اول ما اصحى من النوم. اسهل نقطة واهم نقطة بس ترتبين السرير الغرفة كلها بترتب حتى لو مب مرتبة 🙊

٢. أحرص على تفريغ غسالة الصحون وشبك الصحون من المواعين النظيفة. إذا فرغتها اول باول ماراح اراكم المواعين المستخدمة على المجلى او على الدولاب الى ما أتحرك وأفضي الغسالة. كوني أفضيها على طول واعبي المواعين كل ما استخدمتها احسن بمليون مره من مراكمتها في الغسالة بعد الغسيل ومراكمة المواعين المستخدمة في اي مكان على الدولاب ويصير المطبخ حفلة من الفوضى وخيبة امل كبيرة
٣. الاستعانة بعد الله بالأجهزة المنزلية وشرائها. غسالة الملابس الاتوماتيك والمجفف الحراري وغسالات الصحون صارت من الأساسيات في كل بيت ، توفر وقت وجهد وتعمل بكفاءة احسن.
* غسالة الصحون مفيييدة جداً للشخصيات الفوضوية والي مو فوضوية اشتروها كلكم 🙊💖 تغسل كل مواعيني ماعدا الترامس حتى الخلاط يدخل في الغسالة 👏وجودها مهم جداً وقلل من الوقت الي اقضية في المطبخ لأكثر من النصف! الوقت الي كنت اقضيه وانا اغسل الصحون والقدور صرت اقضيه فيه ترتيب المواعين في الغسالة وتشغيلها وكنس المطبخ وتنظيفة وغسيل الملابس وممكن حتى ترتيب الصاله!*
أتذكر كنت متردده في شراءها ووقتها اروى العمراني نزلت تدونية هنا عن غسالة الصحون وكتبت “لا تقولين كلها صحنين وكوبين وقدر باليوم ، لا أبدا ، أنا أعرف انك تقضين وقت لابأس به تغسلين مواعين بالمطبخ وباقي الوقت أقدر أتخيل شكل المطبخ إما صحون متراكمة في المجلى تتنقع أو انك من النوع اللي معتمد على صحون وكاسات البلاستك بالبيت ..” حسيتها تخاطبني في كلامها 😂 وقررت اشتريها في وقتها ، كنت لسى في فترة نفاسي بطفلي وقلت اشتريها الآن احسن بما أن صار عندي مسؤولية جديدة ليش ما اتخلص من مسؤولية قديمة؟ والحمدلله أني فعلاً عزمت وشريتها.

٤. حرصت أطلع زبالة بيتي يومياً. يمكن يكون هذا الشيء من البديهيات بس بالنسبة لي لا. خاصة اول ماتزوجت ماكانت عندنا مخلفات كثير واغلب مخلفاتنا مخلفات عادية قراطيس وأوراق ومناديل لو تنترك اسبوع ماراح يتأثر المكان لانها بدون رائحة لكن الوضع تغيير بعد اول طفل 👼💨 صارت مخلفاته مزعجة ولها رائحة تبان في درج بيتي حتى لو كانت مو ظاهره لي في البيت فعلياً وهذا الشيء كريييه. ماتحملت ورحت للسوق اشتريت اكياس زبالة سوداء حجمها ٢٠ جالون ضعف حجم زبالة الغرف العادية وأصغر بكثيير من زبالة البيت الرئيسية الي كانت عندي ، القصد منها كان اني اخليها لمخلفات طفلي لوحده واطلعها يومياً لكن تغيرت الخطة وصرت اشوفها تكفي لمخلفات بيتي وطفلي فصرت اطلعها كلها في هذا الكيس كل صباح مع الدوامات وارتحت جداً الحمدلله

٥. اخصص كيس لبقايا الأكل وأطلعه يومياً مع زبالة البيت. هذا الشيء من أول وانا اسويه الحمدلله ، أحسن فصل الأكل عن مخلفات البيت. لكن صرت احرص أخصص مكان ثابت لبقايا الاكل ، هذا الشيء يفيد في انك توزعين الأشياء لمكانها اول باول *معلومة تعلمتها من كتاب سحر الترتيب: ضروري تخصص مكان لكل شيء وبتصير شخص منظم بشكل لا ارادي وتغلبك العادة في إعادة الأشياء إلى أماكنها المخصصة بدل رميها في اي مكان*. شريت معلاق اثبت فيه الاكياس وتصير مفتوحة طول الوقت عشان اعبيها فيه على طول ، شريته من جولي شيك هنا رابطها. يفضل تعليقها في الدولاب العلوي بدل السفلي اذا كان عندكم طفل ، ممكن تشكل خطر عليه يضرب فيها او تضرب عينه

٦. شريت اكياس لتصفية حوض مجلى الغسيل من جولي شيك ١٠٠ حبه بعشرين ريال تقريبا وجداً عملية ومفيدة حبيتها 💖 استخدمها واذا امتلت شلت الكيس ورميته في الزبالة بدون ما احتاج انظف الحوض او أغسله. هنا رابطها في جولي شيك و بتلقونها في علي اكسبريس اذا حابين.
في النهاية أنا سابقاً كنت أأجل كل شي خاص بشغل البيت الى ما اتحرك وأنجزها كلها مع بعض! كان الوضع مرهق ومضيعة وقت كبيرة! اطول وانا اشتغل ولما كنت مأجله الشغل كنت ما اسوي اي شي مفيد او ممتع لأن عندي شغل مؤجل فما استفدت شيء! والآن العكس الحمدلله 💖 مايضيع مني وقت ابداً والنقاط الي ذكرتها ماتاخذ خمس دقايق الى عشر دقائق شغل وكلها في وقت متفرق ما تاخذ من جهدي ووقتي ولا من تفكيري الحمدلله 💖

نشرت التدوينة لان اقل نقطة من هالنقاط الي ذكرتها فادتني وغيرت في بيتي وفي طريقة عيشي بشكل كبير يمكن هالنقاط تلهم أحد وتفيده ايضاً 💖

‏إستعراض | مشروب الكركم لألام المفـــاصل تجربتي

التدوينة التي سنستعرضها في “تحت المجهر بعنوان “مشروب الكركم لألام المفـــاصل تجربتي” للمدونة هبة ‎@creativityREN وننتظر تعليقاتكم وآرائكم وتقييمكم لها في التعليقات.


تدوينة اليوم تعتبر جداااا مهمه بالنسبة لي واتمنى انها تفيدكم زي مافادتني

واذا تتابعوني بالانستقرام اشارك عن هالموضوع وكمان في تدوينة سابقه – كيف تكوني روتين صباحي خاص فيك – ذكرت عنه وانه مهم في كل صباح

شخصيا اعاني من التهاب في المفاصل او وجع بالمفاصل دايم يجيني بعد ما اقعد فتره بسيطه لافه المفاصل .. مثلا زي لما اتربع\ او احط رجل على رجل \ اواتمرن\ اصلي \ اعطف يدي \ اوطي ظهري او احركه والخ

المشكله ان الوجع والالم يجي بعد فتره بسييييطه جداا لدرجه في اموربسيطه مااقدر اسويها … ولكن أكيد دايم نحمد الله دايما وابدا مهما كان لان كل ابتلاء أهون من غيره ..

هل شفتي دكاتره ؟؟ فحصتي ؟

اي فحصت ( الركبه خاصه ) والاغلب قال مافي مشكله من ناحيه المفصل والعظم والتكوين .. فيمكن ضعف العضلات الي حول المفصل او التهاب ..

فنصحوني اسوي رياضه تبني وتقوي العضله الي حول المفصل (الركبه ) ولكن مااستمريت اسويه للاسف لان كان يعورني … فمدري شكلو لازم برضو ارجع اسويها وانتبه من ناحيه تقوية العضلات

نجي لمشروب الكركم ؟؟ كيف تسوينه؟ ومتى تشربينه ؟ وكم استمريتي ؟ والنتيجة ؟

هو عباره انك تستخدمي الكركم وتحيطه في مويه ( انا اسستخدم كركم بودره حق الطبخ ) وتشربيه … من ناحيه الكميه اقيس بالنظر يعني شوي مويه بالكاسه بس عشان يساعد ابلع الكركم لانه بهار وارش كميه تقريبا نفسس ملعقه صغييييره او تقريبا رشتين ثلاث ..

جربته سابقا بدون مايكون في استمرار بشكل يومي او بوقت معين .. ماشفت نتيجه فوقفت … بعدين رجعتله لان سمعت كثير عن فوائده للمفاصل وفوايده للجسم بشكل عام تقدرو تقرو عنه رح يبهركم من كثر الفوائد ….

ولكن هالمره جربته مع فلفل أسود .. برضو ارش مع الكركم رشه بسيطه او اقل من كميه الكركم .. واشربهم — هالمعلومه قريتها او قالتها اخصائيه تغذيه ( شيماء ) تكلمت عنها بحسابي بالانستقرام وجدا اثق فيها

اشرب هالوصفه على الريق … وللمعلومية انا شخصيا اخذ حبه سوداء اصلن بشكل يومي… فاخذه مع الوصفه (الكركم والفلفل الاسود) بنفس الوقت

المدة استمريت شهر كامل ولله الحمد كل يوم على الريق

النتيجة ؟؟؟

بنهايه ثالث اسبوع او بدايه رابع اسبوع – نهايه الشهر – لاحظت ان الوجع او الالتهاب بدا يجي بعد فتره اطوووول عن الوقت المعتاد يعني مثلا دحين اقدر اتربع واكل وجبتي ومايجي الوجع الا بعد نهايه الوجبه.. سابقا كنت يمكن مااكمل نص الوجبه او بالبدايه يبدا يجي الالم ولازم امد رجلي … او دحين صار اقدر ارتب المكان واوطي ظهري وارفعه بشكل اكثر ومتكرر وبعدين لين مايجي الوجع .. مررررررررررررررره مرررررررررررره انبسسسسطت بشكل مو طبيعي- اللهم لك الحمد اللهم لك الحمد – مع ان لسا في الوجع ماراح ولكن الوقت صار ابعد وصار اطول لين مايجي ويعتبر تحسن بالنسبه لي مرررره جميل الحمد الله

هل رح تستمري عليه دايماااا ؟؟

صحيا المفروض ولا شي استمر عليه على طوول لازم اعطي فتره لجسمي يرتاح من التراكمات … فاتوقع اني رح اخف او اقطع استخدامه لفتره بيسيطه بعدين ارجع استمر لفتره وهكذا ..

بالنهـــاية

اتمنى فادتكم هالتدوينة .. وفادتكم تجربتي .. واذا تعرفوا احد بيحتاج هالمعلومه لا تبخلو عليه وانشروه لهم

عيشوا بحب وايجابية